PESTA OLOB-OLOB (J-115) 

GKPS RESORT SIANTAR V

“Tole ! Den Timorlanden, das Evanggelium” Kalimat na gabe semangat para zendeling na laho padaskon Ambilan Na Madear hu tanoh Simalungun, janah domma tongon 115 tahun Ambilan Na Madear manondangi tanoh Simalungun, jadi patut do hita selaku kuria pataridahkon hatarimakasihonta hubani Naibata ibagas gok malas ni uhur ampa marolob-olob. 

Nuansa olob-olob ai pe homa iahaphon kuria GKPS sa-resort Siantar V janah pesta olob-olob sa-resort Siantar V ipamasa bani ari Minggu tanggal 19 Agustus 2018. Tapi paima das hu tanggal 19 Agustus, ipamasa do kegiatan Pra Olob-olob na ipungkah humbani tanggal 4 Agustus. Adong piga-piga kegiatan perlombaan na iadongkon panitia, kegiatan aima:

1. Bola Volley Bapa: 1. Simbolon Panei, 2. Peniel, 3. Sapangambei, 4. Exaudi Tengkoh

2. Catur Sie Bapa: 1. Simbolon Panei, 2. Peniel, 3. Exaudi Tengkoh

3. CCA Sekolah Minggu: 1. Sapangambei, 2. Peniel, 3. Exaudi Tengkoh

4. CCA Wanita: 1. Peniel, 2. Simbolon Panei, 3. Exaudi Tengkoh, 4. Sapangambei

5. CCA Pemuda: 1. Peniel, 2. Exaudi Tengkoh, 3. Sapangambei

6. VG Remaja: 1. Peniel, 2. Exaudi Tengkoh, 3. Sapangambei

7. VG Sekolah Minggu: 1. Exuadi Tengkho, 2. Peniel, 3. Sapangambei

8. Tarian Simalungun Pemuda: 1. Sapangambei, 2. Peniel, 3. Exaudi Tengkoh

9. Manlomang Dayok: Simbolon Panei

10. Berpacu Haleluya Sekolah Minggu: 1. Peniel. 2. Sapangambei, 3. Tengkoh

11. Marsege Boras Lansia: 1. Exaudi Tengkoh, 2. Peniel, 3. Simbolon Panei, 4. Sapangambei

Janah bani tanggal 18 Agustus iadongkon do Senam Pagi, pakon  Pemeriksaan Kesehatan na idihuti 47 halak ampa kegiatan Donor Darah (kerjasama panitia pakon PMI), kegiatan on idihuti kuria GKPS Peniel, Sapangambei, pakon Damei, adong ma 12 halak na mendonorkan darah.

Bani tanggal 19 Agustus aima ari na ipaima-ima kuria saresort Siantar V, bani panorang perayaan puncak Jubileum (olob-olob) na marianan i GKPS Peniel, ipungkah ma kebaktian pukul 09.30 WIB, janah utusan Pimpinan Pusat na mangidangi aima Pdt. Agus Jetron Saragih, M.Th, na padaskon Ambilan Na Madear nabinuat humbani 1 Musa 17:15-27 pasingatkon haganup kuria na roh gabe siirikkon Tuhan janah porsaya huBani songon Abraham pakon si Sarah na totap manjolom padan na humbani Jahowa, setia songon sidea ibagas na paimahon realisasi padanni Jahowa ai bani goluhni sidea. 

Dobkonsi kebaktian ilanjutkan do acara marhiteihon ni na mangan siap riap, janah dobkonsi ai manortor mangalo-alo kuria-kuria, janah na kuria totap bertahan das hu acara panutup aima panitia pesta olob-olob mambahen lucky draw. Pukul 19.00 WIB salosei ma haganup rangkaian ni acara Pesta J-115 Tahun i resort Siantar V. Iperkirahon na hadir bani acara puncak aiam 1.000 halak humbani 5 kuria na adong iresort on.

Tarimakasih ma bani Naibata na bastu bani pesta Olob-olob GKPS resort Siantar V janah sai andohar haganupan kuria in marmalasni uhur ampa dapotan ulih humbani horja na madear on. 

Syalom !

Salam Jubileum…    

Vik. Pdt. Irma Farma Pasaribu