Psalmen 118: 22-29

Sermon

Ambilan: Psalmen 118: 22-29

Doding : Hal. 347: 1 + 3 - 4

         Anggo kitab Pentateukh ( 1 Musa – 5Musa ) isobut anjaha iarusi bangsa Israel sebagai buku ni Naibata naipadas hubani sidea, roh hubani Naibata na marisi hata ni Naibata na maningon ihorjahon bangsa ai, maka Psalmen on ipahami sebagai buku ni jolma in hubani Naibata, sifatni dari bawah keatas, hasaksianni halak na porsaya, aima bangsa Israel  hubani Naibata bani haganupan kuasa ni Naibata na totap marhorja bani goluhni jolma. Hasaksian na marupa doding atap tonggo. Psalmen (Ibr. Mizmor) aima doding na idodingkon na iiringi ragam ni alat music. Psalmen igubah berbagai pujangga bani panorang na ganjang mamungkah hunbani zaman ni si Musi das hubani zaman na dob luar hunbani habuangan Babel. Doding pakon tonggo na bani Psalmen, ipatuppu janah on ma na ipakei bani kebaktianni Israel.  

       Sada gambaran: seorang pelajar pasti sihol uhurni ase gabe juara kelas marhiteihonni nilai-nilai na jenges, sahalak pahorja na martugas ikantor pasti mangkasiholhon ase dapotan upah atap promosi jabatan na tinggi, sahalak parjuma-juma pasti martonggo ase suan-suananni berhasil janah lang gagal panen. Hal-hal baik apapun yang diinginkan terjadi dalam kehidupan manusia. Tontu, haganupan ai lang boi terealisasi anggo lang adong campur tangan ni Naibata bani haganupan sura-sura ni jolma, porlu pangurupion ampa gogoh na humbani Naibata. Parpsalmen bani ambilan on mangungkapkon malas ni uhurni bani ganupan idop ni uhur-Ni pakon pambahenan-Ni na luar biasa domu hubani pengalaman ni goluhni. Pangurupion ampa haluahon na humbani Jahowa, ihaporsayai si parpsalmen do marhitei hagogohon ni kuasa ni Naibata in do mambahen ia marmalas ni uhur halani ai do ia mansobut puji ma Jahowa, tongon ronsi sadokah ni dokahni ni do idop ni uhur-Ni.  Buei na masa na iahapkon, na ididah parpsalmen pambahenanni Naibata na luar biasa bani goluhni na iakuhonni gabe sibahen hadearon pakon malas ni uhur ampa na paluahkonsi. “Batu na iambukkon ni tuhang, ai do gabe palas parsuhi”, on ma pengakuan kegembiraan si parpsalmen paboa Naibata na dob mangurupisi mangimbang munsuhni, cara Allah meninggikannya ke tempat tertinggi mengatasi musuhnya. 

       “Batu na iambukkon, gabe palas parsuhi” artini ai dasar bani sada bangunan, gabe batu parsuhi, batu utama atap batu na marharga marimbang batu-batu na leganni ai.  Mase sonai? Adong proses na domma irancang Naibata ase boi gabe batu parsuhi. Parpsalmen na bani pardalanan ni goluhni maningon mandompakhon buei ampa bageini paruntolon mangakuhon Naibata paridop ni uhur na mambuka labah hapintoron bani halak parpintor na sihol masuk hujin, tarlobih anggo iakuhon parpsalmen pasal batu parsuhi onma martuduh-tuduh hubani Jesus na itolak dunia on, na itangkap, iadili, iparsilangkon songon parjahat age lang adong hajahaton ihorjahon-Ni. Hape Ia do ibahen Naibata parhiteian na mamintori hita, ase boi masuk hita hu horbangan marayak Jahowa (bnd.Mat. 21:42; Mrk. 12: 10-11; Lah. 4:11; Ep. 2:20; 1 Kor. 3:11). Pambahenan ni Naibata na ipatalar itongah-tongah halongangan do ai bani matanta,  aido ase iakuhon parpsalmen “marhitei Jahowa do masa ai”, Naibata na timbul in na manogu halak na porsaya bani mardalan ibagas hasintongan, iajarhon dalan-Ni bani na masombuh, ipatuduh do dalan na pintor bani pardosa, ipaluah do na porsaya bani humbani parmaraan, munsuh, siding ni sibolis, pakon gomgoman ni hamatean. 

       Parpsalmen na mangakuhon “ari on do na jinadihon ni Jahowa, marolob-olob anjaha marmalas ni uhur ma hita”.  Songon pengakuan ni parpsalmen bani ambilanta on ma naming pengakuanta selaku halak na porsaya, marolob ampa marmalas ni uhur hita bani goluhta on. Pengakuan ibagas na totap mangindo ampa marpangarapan hubani Tuhan ase Ia totap manatang goluhta, mangurupi ampa manumpak bani goluhta on.  Semangat ni parpsalmen na ideklarasihon marhitei haporsayaonni Naibata do na manondangi ia jadi maningon ipuji anjaha ipasangap sadokah ia manggoluh. Totap do mangkawah hubani Naibata anggo siparpsalmen.

Songon goran ni Minggu sadarion aima Okuli na berarti Sai mangkawah do matangku dompak Jahowa, laho mambobai hita ase haporsayaonta ai terletak atap iidasari bani Jesus Kristus na ibahen hita gabe Palas Parsuhi, Naibata paridop ni uhur na tarsulur na totap manramotkon pargoluhanta. Tongon, gulmit ni pargoluhanta idunia on pasti ongga do terombang ambing, taruyun hita, atap ongga iahapkon hita anggo hita do sidorunan, sisombuhan, sietekan, roh parnaboritan, bahkan buei na legan na mambahen 100 alasan hita boi tartangis, ternyata haganupan ai seng sadiha anggo ibandingkon bani idop ni uhur-Ni na totap in na mambahen hita 1000 alasan tersenyum, marmalas ni uhur. Renungkon hita ma pambahenan ni Naibata bani goluh on na dob padihuthon hita maluah humbani dousata, ase berkomitmen hita “Naibatangku do Ham, Ham do sipujionku, Ham Naibatangku, Ham do sipatimbulonku”, marhitei mambaritahon pambahenan-Ni, puji goran-Ni, horjahon rosuh-Ni.