Sermon Psalmen 148: 1-6

Minggu, 01 Juli 2018 (Minggu V Dob Trinitatis)

Teks : Psalmen 148:1-6

I. PARLOBEINI

Psalmen 148 aima psalmen na marisi pasal pangarahkonon hubani haganupan na tinompa, jadi-jadian ni Naibata ase mamuji ampa pasangapkon Naibata. Pandiloon na laho mamuji Naibata aima salah sada respon haluahon na domma ibahen Naibata, tarlobih bani psalmen on aima na marisi pasal sonaha pengalaman iman ni bangsa Israel na mangahapkon malas ni uhur halani habanggalon ni kuasa ni Tuhan Naibata ampa idop ni uhur-Ni na totap marmudu-mudu pargoluhan ni sidea, domma tongon iahapkon sidea “ipargogohi do sidea na ibagas na mandompakkon gulmitni goluh on ampa bagei ni paruntulon”, jadi marhiteihonni psalmen on sihol do patugahkononni parpsalmen bahasa haganupan do maningon mamuji ampa marsombah hubani Tuhan Naibata. 

II. HATORANGAN NI TEKS

Parpsalmen aima sada halak na mangidah marhitei haporsayaonni, hinabanggalni kuasa ampa hasangaponni Jahowa na melampaui/mengatasi sagala kuasa ampa hasangapon na adong. Kuasa ampa hasangaponni Jahowa talar do bani Parpsalmen marhitei sagala na adong. Marhitei haporsayaon ia memiliki sada kesaksian iman paboa paboa sagala na adong in, aima jadi-jadian atap na tinompa ni Naibata do. Anjaha bani kesaksian ai ipatugah do bahasa Jahowa lang singgan manompa tapi dihut do age na manramotkon na tinompaNi. Sadalan hujin ma ase parpsalmen mangondolhon hubani sagala na tinompa ni Jahowa ase mamuji Jahowa.

Ayat 1. Hunja do roh ni pamujion ai janah huja do tujuanni atap alamat (haondosan) ni pamujian ai? Ise do sipujion ai? Ternyata, ipatugah si parpsalmen do bahasa bani ise do pujian ai ipadas, aima hubani Ia na marianan ibabou, pamujion ai berlandaskan hubani hajongjongan ni Naibata na marianan i nagori atas, si Panompa haganupan, Sumber Hagoluhan in. Psalmen on ipungkah marhitei hata “Haleluya” artini mandoding, mar surak-surak mamuji Naibata in ma na laho pasangapkon Naibata na i nagori atas in. Tuhanta na sanggap in na marianan i nagori atas na domma manjoreihon haganupan, patut ma Ia ipuji haganupan tinompa. Hata “haleluya” on menjadi hata pamungkah ampa na mangujungi Psalmen 146-150, hal on patangkashon bahasa pentingni mamuji ampa pasangapkon Naibata. 

Ayat 2-4 Ise do na maningon mamuji, pasangapkon ampa marsombah hubani Tuhan Naibata? Hata ni Naibata on mangindohon ase haganupan na tinompa ni Naibta dihut homa mamuji Naibata. Humbani ayat 2 das hubani ayat 4 ipatugah do ise ma, pakon aha do deba na iarahkon ase mamuji Naibata, aima haganup malekat, bala, mata ni ari, bulan, bintang, langit ni langitan, ampa bah na iatas ni langit. Jadi, lang pitah na itanoh on na maningon mamuji Naibata tapi na iatas ai pe maningon do homa mamuji Naibata. Hunjon taridah do bahasa kuasa pakon hagogohan ni Naibata mangatasi haganupan na adong idunia on. Haganupan in dihut do mamuji Naibata marhiteihon fungsi na domma iaturhon Naibata. Mata ni ari mambere panondang bani arian, bulan ampa bintang mambere panondang bani borngin. Sonai age langit ni langitan na totap patridahkon hamuliaonni Naibata. Lang adong kuasa pakon gogoh na legan na margogoh, na boi mangambati kuasa pakon hagogohon ni Naibata. Haganup na tinompa ni Naibata songon sada “simfoni atau paduan suara” na terdiri humbani buei (ragam) ni elemen (unsur) na domma itompa Naibata na secara bersama-sama padaskon pamujionni hubani Naibata. 

Ayat 5 Aha do alasan ase mamuji pakon pasangapkon Naibata? Halani kuasa pakon hagogohonni Naibata ai. Mulai humbani panompaon ni dunia on ( 1 Musa 1:3), kuasa ampa hagogohon ni Naibata marhitei hata-Ni mambahen gabe jadi ma haganupan, mambahen na lang adong gabe dong  ma haganupan (creation ex nihilo). Marsahap do Naibata laho manompa haganupan ase manggoluh haganupan na tinompa ni in. kuasa pakon hagogohon ni Naibata ai bermakna laho pagoluhkon, paluahkon, manramotkon ganupan na tinompa ni in, termasuk ma homa hita jolma in. Marhiteihon ayat 5 on isadarhon do hita ase mangindo ampa mangunsagahkon gogoh humbani Naibata. Bani hakekatni, goran ni Naibata memang domma tarmulia. Tanpa atau dengan pujianta Ia totap marmulia. Hasangapon-Ni seng idasarkon atap itontuhon humbani pengakuanta. Halani natur ni Naibata domma sangap. Ungkapan hasangapon hubani Naibata, menegaskon pasal keberadaan ni jolma sebagai pribadi na etek. Jolma songon sada titik dassa bani dunia na bolag on. Par-psalmen sihol mangajar jolma ase “tahu diri” pakon “sadar diri”.  Sikap “tahu diri” pakon “sadar diri” ilobeni Panompa mambahen jolma mampu mangidah diri sandiri sebagai jolma na tercipta menurut citra ni Naibata.

Ayat 6 Ayat on pataridahkon pasal otoritas ni Naibata bani haganupan horja-Ni dompak haganupan na tinompa ni ai, laho pasaudkon sura-sura-Ni ai. Itotapkon pakon iatur Naibata do haganupan ai aima na marpadomuan hubani haporluhan ni jolma in ampa haganupan na tinompa na legan. Jadi, haganup na tinompa ia maningon do mardalan ampa manggoluh ibagas peraturan-peraturan-Ni ai, toguh hubani haporsayaon, lang ra mosor humbani pangarapan hu-Bani.  

III. HAHONAANI

1. Ise do na talup janah na patut sipujion? Naibata do na talup janah na patut sipujion halani Ia do Naibata, Ia do Sipanompa, Ia do pagoluhkon, Ia do na manramoti, janah Ia do Sipaluah. Jadi, Naibata do na maningon ipuji ampa ipasangap hita.  Bagei do parhiteian laho mamuji pasangapkon Naibata bani goluh on. Anggo gati itangar hita istilah “doding na bayu laho mamuji Naibata”, aima na marpardomuan bani pangabak ni na porsaya in na bayu ilobeini Naibata. Halani jengesni pamujion lang pitah marhitei lurlur ni doding tapi na porlu aima marhitei pambahenan. 

2. Mamuji pakon pasangapkon Naibata aima bagian pakon panggilan sebagai halak na porsaya. Pamujion marhitei doding ampa haganup gulmitni goluhta mangurupi hita na laho mangubah pandangan hidup na gati berpusat bani dirinta sandiri gabe pandangan hidup na berpusat hubani Tuhan Naibata. Pamujion aima vitamin na sihol membangkitkan malas ni uhur ampa semangat rohani ni halak Kristen.

3. Marpanatap do Jahowa bani gulmit ni pargoluhonta. Seng dong na lingod humbani paratasNi. Na banggal pakon na etek ikawahkon do ganup. Totap ma hita marondos hubani Naibata, halani anggo iajamhon hita gogohta lang tarbahen hita laho mandalani goluhta on, marhiteihon na mangkorjahon aturan-Ni, aturan na so boi langgaronta.