Galatia 4: 4-7

Bahan Ambilan 31 Desember 2017
Nats : Galatia 4:4-7
Usul Doding: Hal. 459:1-3
1. Minggu on ma na gabe minggu parpudi banta bani tahun on. Somal do ra bani ujungni tahun sonon mangarahkon hita hubani refleksi diri ampa keluarga marhiteihonni na marruji-ruji bani goluh manipat ibagas tahun on. Agepe namin na somal do margantih tahun, tapi bani halak na porsaya lang singgan pergantihan ni panorang tumang ai, tapi das do hubani peranan ni Naibata ibagas pardalanan ni goluhni ibagas na satahun bolon ai. Sada hal na gabe barita malas ni uhurta bani ujung ni tahun on, bahasa Naibata domma manggoki padan-Ni. Bagah-bagah ni Naibata bani dunia on domma isuhuni marhitei na marsuruh Anak-Ni roh hu dunia on. Halani ai, goluhni halak na porsaya lang singgan na marangan-angan tapi namin manggoluh ibagas padan-Ni Naibata ai.
2. Manggoluh ibagas gomgoman ni titah aima sada hal na gabe tantangan bani panorang ni surat Galatia on. Tapi panurat ni surat on sihol patugahkon janah mambere sada penekanan bahasa halak na porsaya domma itobus goluhta humbani gomgoman ni titah in (ayat 4-5). Anggo sebelumni status “jabolon ni titah” do jolma in, tapi sonari domma ipaluah humbani status ai jadi statusta sonari aima “anak”. Marhitei idop ni uhur-Ni, lang pitah tahun na margantih tapi statusta pe domma margantih gabe status na bayu aima “anak” na memiliki hak aima panean bani warisan ni na matorasni. Tontu panean bani arta na inagori atas in aima anak ni Naibata, aima halak na mambalosi hata-Ni, na totap tangi bani sora-Ni, memiliki komunikasi na intense pakon-Si.
3. Status sebagai anak ai do homa na panean bani malas ni uhur ampa hasangapon ni Bapa in. hal on do homa na gabe pangarapan bani halak na porsaya sonaha ase parrupei bani arta nagori atas in. Tontu selaku anak talup do jaloonta ganup sinadonganni matorasta, anggo bayak do matorasni dihut do homa anak in parsimada bani habayakon ai. Janah sebalikni anggo masombuh do matorasni diht do homa anak in mangahapkon na hurang.  Usih hujai do hajongjongan ni halak na porsaya in, ulang sanggah marbagi pasal habayakon ai tumang ra sipardihut hita, hape anggo pasal tanggung jawab lang. ijai do homa jumpah hita, anak atap jabolon hita. Somal ni jabolon lang sipardihut bani hasombuhonni tuanni, na sodap tumang do hansa ra ia. Ase ibagas na itadingkon hita pe tahum on janah sihol masukonta tahun na baru, totap ma hita bermental “anak” na totap tangi bani Bapa in.