Rom 3 : 21-26
Hal. 129 : 1-3
Apostel Paulus (Saulus hinan goranni - Lah. 13:9) aima sahalak na cerdas, cakap mengemukakan pingkiran janah memiliki komitmen na setia bani tugas ampa peranni sebagai sahalak apostelni Naibata. Songon sada pengacara na handal ampa terampil, ia pataridahkon janah patugahkon fakta-fakta Injil secara lugas pakon tegas hubani halak Rom. Buku Rom isuratratkon apostel Paulus sanggah ia berada i Korintus, janah boi hatahonon buku Rom aima surat terpanjang na isuratkon apostel Paulus na memiliki unsur teologis. Isu utama surat Rom aima pasal halak Jahudi pakon non Jahudi. Pemahamanni halak Jahudi bahasa sidea na menyandang gelar atap status “bangsa pilihan ni Naibata” jadi sidea hansa na talup manjalo haluahon marhiteihonni mangkorjahon Titah pakon 613 parentah (Ibrani: mitzvot : Perintah Allah) na terdiri 2 bagian aima:
1. “Perintah positif” in ma na maningon ihorjahon (mitzvoth aseh) na ija “perintah positif” on berjumlah 248, janah jumlah parentah ai isesuaihon pakonni jumlah haganup tulang pakon organ utama bani angkula ni jolma in.
2. “Perintah negatif” in ma na seng boi ihorjahon (mitzvoth lo taaseh) na ija “perintah negatif” on berjumlah 365, na sesuai pakon jumlah ari ibagas satahun.
Jadi, halak Jahudi memiliki pemahaman janah mangajarhon bahasa sidea manjalo hapintoron pakon haluahon aima halani aha na ihorjahon sidea domu hubani Titah pakonni 613 parentah ai, anjaha manraguhon pengorbanan ni Tuhan Jesus. Tarlobih bani teks ambilan on aima termasuk bagian na pertama surat Rom, na patugahkon bahasa haganup halak do mardousa, tapi idop ni uhur ni Naibata ma na paluahkon hita. Inti teks ambilan on aima “pembenaran oleh iman”.
Anggo irimang-rimangi hita, keberadaan hita sebagai jolma na galek pakon gok dousa menghantarkan hita bani sada dilema: Sonaha ma carani Naibata na Pansing in, Naibata na sintong boi manasap dousa ampa panlanggaronta? Anggo Ia berurusan pakon ni jolma atas dasar hapintoron-Ni, maka na masa aima haganup jolma masuk hubani penderitaan kekal. Tapi anggo Ia patuduhkon idop ni uhur-Ni hansa janah seng adong hapintoron-Ni, na masa aima seng adong jolma na manggalar hukuman dosa ai, dobhonsi ai Naibata berhenti menjadi adil. Solusini aima maningon adong “pengganti”, pengganti ni na maningon manaron hamarsikon hinorhonni dousa ni haganup jolma in janah pengganti ai na patuduhkon sonaha do banggal ni holong ni Tuhan in bani dunia on. Ise ma na gabe “Pengganti” ai? JESUS KRISTUS.
Rom 3 : 21-26 on gabe sada kritik hubani halak Jahudi bani panorang ijia. Apostel Paulus sihol patorsahon atap “mentransformasi” pemahamanni halak Jahudi bani panorang ijia bahasa pemahamanni sidea aima pemahaman na salah. Seng pitah sidea na talup manjalo haluahon halani Titah tapi haluahon pakon pamintorion ai ma bersifat universal janah seng halani gogoh ni jolma tapi halani idop ni uhur ni Naibata.
Ambilan on terdiri 3 bagian ai ma :
1. Manisfestasi Pembenaran Allah (ayat 21-23)
Frase “ domma torang hapintoronni Naibata” (Ind: kebenaran Allah dinyatakan) bani ayat 21 paingatkon hita bani tema ni surat on na tarsurat bani Rom 1:17. Perikopn on ipungkah marhitei hata Gorik “nuni de”, ijon apostel Paulus sihol patugahkon peralihan situasi na bayu hubani halak Jahudi, anggo marsalah ganup sindunia on ilobei ni Naibata. Adong piga-piga hal na patorangkon pasal hapintoronni Naibata in ma:
a. Hapintoronni Naibata sedo hun bani titah (21a)
Frase “sedo hun bani titah” (Ind: tanpa hukum Taurat) laho patorangkon anggo jolma seng boi manjalo hapintoron (humbai sisi/gogoh jolma in) tapi hapintoron ai marasal humbani Naibata do. Titah ijon maningon iarusi sebagai suatu sistem (suatu tahap bani sejarah identitas ni bangsa Jahudi). Intini, Naibata patuduhkon janah mambere hapintoron hubani jolma terlepas humbani haganup parameter nasional pakon religius na dob itontuhon Titah in.
b. Hapintoronni Naibata songon sinaksihon ni Titah ampa nabi-nabi (21b)
Diskontinuitas karyani Naibata bani ayat 21a seng mararti bahasa Naibata memberlakukan pola haluahon na beda antara Padan Na Basaia pakonni Padan Na Baru. Hapintoron na ipatorang bani ayat 21-26 aima konsep haluahon songon sinaksihonni Titah ampa nabi-nabi. Titah ni Naibata sifatni aima:
1. Titah na tartulis na maningun ihorjahon ase boi manggoluh 100 % maningun ihorjahon, anggo lang aima na gabe cacatni jolma in na lang menaati uhumni Naibata.
2. Lang adong age sahalak pen a sanggup manghorjahon haganupan ai tanpa cacat dan cela. Dobni haganupan do jolma cacat hukum i lobeini Naibata.
3. Dobni hasilni aima haganupan halak otomatis lang manggoluh nasintong ilobeini Naibata halani domma cacat hukum.
Aido ase isobut Paulus, hapintoronni Naibata ai domma ipatorang marhitei Jesus Kritus. Kristus do ujungni Titah in laho maintori sagala na porsaya.
c. Hapintoronni Naibata na das marhitei haporsayaon hubani Jesus Kristus (22-23)
Berbeda pakonni pemahaman pakon pola pikir halak Jahudi na mencoba pajongjongkon sada hapintoron marhitei ketaatan ampa kesetiaan hubani Titah, apostel Paulus padaskon bahasa pamintorion ni Naibata marhitei haporsayaon hubani Kristus. “Hapintoron marhitei haporsayaon” na patuduhkon bahasa haporsayaon/iman aima alat/instrument na laho manjalo pamintorion humbani Naibata, sedo agen/pribadi na membenarkan. Janah ayat 22 on sihol mempertegas anggo hapintoron ni Naibata ai boi das hubani jolma na memiliki haporsayaon pakon kesetiaan hidup haganup halak na porsaya. Jadi, universalitas do pamintorionni Naibata ampa haluahon na humbani Naibata ai, sedo bersifat ekslusif bani halak Jahudi dassa. Halak Jahudi maningon memiliki kesadaran bahasa posisi halak Jahudi pakon non Jahudi aima sama, seng adong perbedaan apapun halani haganupan jolma do mardousa. Kristus aima ujungni Titah in.
2. Sumber : Haluahon pakon hadameion humbai Kristus (ayat 24-25a)
Aha do na gabe sumber haluahon ai? Jawabanni tarsurat bani ayat 24-25a aima panobusion na ibagas Kristus Jesus. Kristus do na gabe hitei pardearan/pardameian hubungan antara Naibata pakon jolma. Anggo lang halani Jesus na matei bani hayu parsilang, lang jumpah hita kesempatan na paduahon, sanggah mardousa hita ijin ma hita matei. Tapi halani Kristus boi ope ijalo hita hita haluahon ai. Hita boi mardamei pakon Naibata halani Kristus na mamintori hita, janah halani marhitehonni idopni uhurNi do jolma in ipardiatei Naibata ibagas Kristus, jadi lang be manggoluh itoruh ni murka Allah (mamungkah ma ai humbani Adam hinan). Parpintoran na ibaen Naibata marhitei Jesus ma na pangkorhon pardameian dompak Naibata.
3. Tujuan : Patugahkon paboa Naibata aima pintor janah bonar (ayat 25b-26)
Apostel Paulus mambere sada pelajaran hubani halak Jahudi, aha do sasintongni na ipatuduhkon Naibata hubani pangisini dunia on? Tidak lain dan tidak bukan aima pengorbananni Tuhan Jesus bani hayu parsilang na laho mambere sada dalan na bayu bani haganup jolma aima hapintoron. Hapintoron (righteousness) ni Naibata domma ipatorang hubani haganup jolma. Jadi, maningon ibotoh hita do bahasa Naibata do na dob mamintori hita sedo halani gogohta sandiri hita boi manjalo haluahon ai.
Secara kontruksi sosial masyarakat, lang adong jolma na ra matei atap berkorban laho mangkopkop jolma na legan, tapi Naibata ibagas Kristus Jesus pataridahkon bahasa haganup hamarsikon na itaron-Ni das hubani parmatei-Ni aima na laho mangkopkop hita pardousa. Hape realita na terjadi itongah-tongahta manisia bani zaman sondahon do use na marsipagut-sipagutan, saling menyerang satu sama lain, goluh na pataridahkon status sebagai hala na ipapintor. Anggo tongon do ihagoluhkon hita aima halak na dob ipapintor marhiteihonni haporsayaon hubani Kristus Jesus lang mungkin hita gabe pribadi na sombong, na angkuh, tapi hita maningon marmegah ni uhur ibagas Naibata na gabe paridopanni uhurta. Janah totap marpangarapan barang sonaha pe pangitni pargoluhan na idalani. Huria Rom bani panorang ai mangkagoluhkon cara pandang na berbeda, pintor do sidea tapi lang pintor ibagas haporsayaonni, haporsayaonni ni sidea ai hurang do taridah.
Naibata domma pataridahkon hubanta sonaha do holongNi na banggal in na lang mangindo upah (Holong Agape), tapi na gati masa bani goluhni jolma aima Holong Agepe, agepe domma ibotoh hita aima halak na mardousa, na gati mambaen pusok uhurni Naibata janah totap do ibere hubanta kesempatan laho patureihon diri janah mangakuhon haganupan dousanta ase manjalo haluahon hita, tapi on pe gati parsoya-soya hita, janah na ihorjahon bani goluhta aima subil, domdom, makkatai hahuranganni/lepak hasoman, marayoh roh hu kebaktian minggu/partonggoan/partumpuan.
Talar do haganupan holong ni Naibata ibagas pargoluhanta, tapi na gati terjadi aima hita lang parduli sonai homa lang pala sai dingat bani holongNi ateini hubanta. Adong piga-piga hal na gati ijumpahkon hita ibagas na mandalonkon goluhta:
- Marpusok ni uhur halani magouan na hinaholonganni uhurta
- Bingung mamingkirhon duit sikolah ni niombah
- Kecewa hita halani adong ope na sinita ni uhurta na lape tarsuhuni
- Bingung mamingkirihon aha sipanganon untuk patar, pnl.
Piga-piga hal nokkan ai ma na gati mambahen jolma in mandolei janah akhirni soh martonggo janah mangelek hubani Tuhan Naibata. Tapi, lang sonai pola hidup ni halak na domma ipapintor Naibata atap halak na domma mangaku mamiliki haporsayaon hubani Naibata. Haluahon, hapintoron memang domma das hubanta janah ijalo hita secara GRATIS tapi holong Ni Naibata ai sedo holong na bersifat MURAHAN. GRATIS TAPI BUKAN MURAHAN. Manggoluh ibagas Naibata mararti ma ai mandalankon harosuhni Naibata. Gabe halak Kristen mararti mai berjuang terus menerus manlawan dousa. Jesus domma manggoki Titah ai ibagas hagogokni holongNi ateini hubani dunia on, janah Titah aima kompas/petunjuk arah hubanta, Titah aima etika moral bani goluhta ase hita boi tongon manggoluh ibagas rosuhni Naibata. Ulang be inunut hita mardalan ibagas dousa tapi nunut hita ma manlawan dousa.
Tidak ada komentar:
Posting Komentar